نسيتني . . علّمني شلْون ابـ . .ا نساك
في هالزمن .. نسيان الأحباب عادي
وشلون لا مرت على البال.. ذكراك
وطيفك سرق مني .. لذيذ الرقادي
وشلون لا قالوا لي الناس .. وش جاك
من كنت في لذة منامك .. تنادي
وشلون أعيش اللي بقالي ..بلّـياك
لا من غدينا كل واحد .. بوادي
لو قلت اداوي جرحي اللي .. تـباطاك
ماكل ّ جرحٍ يفيد فيه الضمادي
اعلنت حبك لـــين كلٍ تمــنّاك
غلطه .. وغيري من خطاي .. استفادي
لو .. لي مثل قلبك .. تمنيت فرقاك
واكيد .. قبلك بالجفا .. صرت بـــادي
حلوه عذاريبك .. وحلوه مزاياك
حتى بيوم فراقنا . . كنت هادي
كنّ الليالي .. ودها تكسب .. رْضاك
وآنا يطول مع الليالي .. جهادي
في ذمتي .. ماهي غريبه خطاياك
مبطي وقلبك لو تنبهت .. غادي
سهله على من كان مثلك وشرواك
مثل الثياب يغيرون .. المبادي
علمني أكره ذكرياتك .. وطرياك
وانسى مع الليله .. صدوق الودادي
ولاني بقايل عقبها .. وين ابـ .. القاك
راضي لو ان جروح قلبي جدادي
ولاّ القصايد ..جعلها من فداياك
لبستها مبطي ثياب الحدادي
باكر على المخطي يدرون ّ الافلاك
ونشوف .. من يصعب عليه البعادي
